БГЗХА «Харошкі»

Навіны

16 сакавіка 2023 года

У дні канікул ансамбль «Харошкі» сардэчна запрашае вучняў сярэдніх школ г. Мінска ўбачыць праграму «Вясновыя скокі»

Навіны

03 сакавіка 2023 года

Ансамбль «Харошкі» запрашае на канцэрт «Вясна»

Навіны

13 студзеня 2023 года

24 лютага 2023 года ансамбль «Харошкі» запрашае ў Купалаўскі тэатр на канцэрт «Местачковыя карцінкі»

  • Галоўная
  • Навіны
  • Запрашаем на наш сольны канцэрт “Зімачка”, які адбудзецца 23 лютага 2022 года ў Вялікай зале Белдзяржфілармоніі
Навіны
17.01.2022

Запрашаем на наш сольны канцэрт “Зімачка”, які адбудзецца 23 лютага 2022 года ў Вялікай зале Белдзяржфілармоніі

Запрашаем на наш сольны канцэрт “Зімачка”, які адбудзецца 23 лютага 2022 года ў Вялікай зале Белдзяржфілармоніі

Шаноўныя сябры! 23 лютага ў цудоўны святочны вечар сардэчна запрашаем на наш сольны канцэрт “Зімачка”. У першым аддзяленні вы ўбачыце нумары, у якіх адлюстраваны беларускія зімовыя святы і абрады:

“Каляда” – у гэтай вакальна-харэаграфічнай кампазіцыі сродкамі народна-сцэнічнага танца каларытна перадаюцца ўсе адметныя моманты самага вясёлага і яскравага зімовага свята: разгортваецца шэсце, падчас якога, па даўняй традыцыі танцуюць, жартуюць, спяваюць, зычаць гаспадарам шчасця і дабрабыту;

“Завеі” – танец сапраўды зачароўвае і перадае прыгажлосць роднай прыроды ў зімовы час;

“Кросны” – танец, рытм якога нагадвае работу кроснаў – старадаўняга ткацкага станка. А пластыка танцораў выдатна перадае багаты ўзор традыцыйнага беларускага ткацтва. Вядома, зіма ў вёсцы – не толькі адпачынак, гульні ды забавы, гэта яшчэ і час карпатлівай працы, народнай творчасці;

“Кужалёк” – у гэтым танцы дзяўчаты трымаюць у руках сувоі вытканага кужалю. Калі пачыналася адліга, палатно рассцілалі на снезе, тапталі яго, мялі, білі, каб яно стала мяккім ды бялюткім, як снег. З вялікай замілаванасцю і паэтычнасцю перадаюць артысты ансамбля ўсе этапы гэтай, здавалася б, будзённай сялянскай працы;

“Дрыготка” – у старадаўнія часы беларускія дзяўчаты вышывалі запаветную хустачку, каб падарыць яе свайму выбранніку. Той, хто атрымліваў дарагі сэрцу падарунак, мог смела ісці ў сваты да яе бацькоў…

Кожны нумар у праграме “Зімачка” – гэта сапраўдны харэаграфічны спектакль, у аснове якога – спалучэнне адметнага нацыянальнага каларыту і высокага майстэрства артыстаў. Упрыгожваюць канцэрт выдатныя вакальна-інструментальныя кампазіцыі.

У другім аддзяленні канцэрта вы ўбачыце маляўнічыя нумары з залатога фонду ансамбля.

Чакаем вас 23 лютага ў Беларускай дзяржаўнай філармоніі!

(г. Мінск, пр. Незалежнасці, 50). Пачатак а 19-ай гадзіне.

Запрашаем набыць квіткі на канцэрт у падарунак мужчынам!

Кошт квіткоў 12-18 руб.

Квіткі без камісіі можна набыць:

+375 25 744 51 20 (Life, Viber), +375 17 374 84 52.

Таксама набывайце квіткі анлайн па спасылках:

Без камісіі: https://philharmonic.by/ru/concert/belorusskiy-gosudarstvennyy-zasluzhennyy-horeograficheskiy-ansambl-horoshki-zimachka-1

https://www.ticketpro.by/bilety-na-koncert/ansambl-xoroshki-zmachka-15-yanvarya-2022/

https://www.kvitki.by/rus/bileti/teatr/tanec/belarusk-dzjarzhany-zasluzhany-hareagrafchny-ansambl-haroshk-zmachka-6--346824/

Спяшайцеся! Ансамбль “Харошкі” пакажа тэатралізаваную праграму “Зімачка” толькі 23 лютага! Канцэрт абавязкова падорыць вам радасць і добры святочны настрой, напоўніць цяплом пахмурныя зімовыя дні!

  • Галоўная
  • Навіны
  • Калектыў
    • Мастацкі кіраўнік
    • Аб калектыве
    • Гастролі
    • Райдэр
    • Школа-студыя
    • Аркестр
    • Ідэалагічная праца
  • Праграмы
    • «Мы –беларусы» («Поры года»)
    • «Полацкі сшытак»
    • «Фальклор»
    • «Тураўская легенда»
    • «Бывай, ХХ стагоддзе» («Бабруйскія карцінкі» і «Местачковыя карцінкі»)
    • «Мой лёс – Харошкі»
  • Медыя
    • Прэса
    • Відэа
  • Кантакты
© 2004-2022 БДAЗХА «Харошкі»
Распрацоўка: РВПЦ «Кастрычніцкі»

КУПІЦЬ БІЛЕТ

  • RU
  • EN
Instagramm
Facebook
<