Дзякуючы «ХОРОШКАМ» старадаўнія беларускія танцы здабылі новае жыццё і сучаснае гучанне, захаваўшы пры гэтым сапраўдную народнасць і першародную прыгажосць.
Музычнай асновай харэаграфічнага спектакля сталі нотныя запісы беларускай свецкай музыкі XVI – XVII стагоддзяў, знойдзеныя ў бібліятэцы Ягелонскага ўніверсітэта ў горадзе Кракаве.
«Бывай, XX стагоддзе!» - праграма створана на аснове гарадскога фальклору і папулярных мелодый першай паловы ХХ стагоддзя. У 2010 годзе праграма адноўлена пад назвай «Местачковыя карцінкі».
«Поры ода» («Беларусы») - тэатралізаваная харэаграфічная праграма. Спектакль пабудаваны на абрадах і каляндарных святах беларусаў, якія захаваліся з старажытных часоў да нашых дзён. Прэм'ера адбылася ў 2008 годзе.
Часы паганскіх вераванняў пакінулі пасля сябе мноства традыцый, якія перайшлі і ў хрысціянскую веру, і ўклад жыцця славянскага народа, і ў бытавыя абрады і святы.
